श्रीराम ज्ञानदा गीता अध्ययन केंद्र

श्रीमद्भगवद्गीता हा एक दिव्य ग्रंथ आहे, जो कर्म, उपासना आणि ज्ञान या तिन्हीचा उत्तम समन्वय दर्शवतो. गीतेमध्ये दिलेले तत्त्वज्ञान आपल्याला निष्काम कर्म करण्याची वृत्ती, भगवंताची उपासना करण्याची बुद्धी, आणि स्वतःच्या स्वरूपाचे ज्ञान मिळवण्याची प्रवृत्ती शिकवते. समाजामध्ये जेव्हा प्रत्येक व्यक्ती हे तत्त्वज्ञान आत्मसात करून निष्काम कर्म करेल, भगवंताची उपासना करेल आणि आत्मज्ञान प्राप्त करेल, तेव्हा धर्मशास्त्राला अभिप्रेत असलेला एक आदर्श समाज निर्माण होईल.

आश्रमाचा मुख्य हेतू हा आहे की श्रीमद्भगवद्गीता तळागाळातील प्रत्येक व्यक्तीपर्यंत पोहोचवली जावी. गीतेतील तत्त्वज्ञान सर्वसामान्य माणसापर्यंत पोहोचवण्यासाठी या केंद्राच्या माध्यमातून कार्य सुरू केले गेले आहे. श्रीराम ज्ञानदा गीता अध्ययन केंद्राचे ध्येय हे आहे की किमान १०० गावांमध्ये गीतेचे अध्ययन केंद्र सुरू व्हावं, ज्यामुळे लोकांना कर्म, उपासना आणि ज्ञानाचा समन्वय शिकता येईल.